【免費試玩】《世紀帝國IV》本周末展開技術壓力測試 讓所有玩家搶先試玩！
可以話係一代人童年回憶嘅經典遊戲《Age of Empires 世紀帝國》，最新一集即將於10月28日正式發售，官方亦喺上個月搞咗一次封測活動，不過抽唔中嘅朋友都唔使太傷心，事關官方即將喺今個周末（香港時間18/9 1:00 am至21/9 1:00 am）展開技術壓力測試，顧名思義就係邀請全球玩家一齊試玩，直到佢個Server頂唔順為止，而且完全免費仲可以連機對打！見今個周末好似會落雨，不如宅一下搵埋班朋友一齊「伐伐伐伐伐伐木工」。
#AOE4 #世紀帝國4 #伐伐伐伐木工